حديث التلة
زجل عبد القادر السدراوي.
سمع كلام المجنون ؤ اطلب التسليم
هذا زمان لاحنين لارحيم
شي عايش في النعيم
ؤ شي عايش في الجحيم
مول الدراهم طامع في مول السنتيم
ؤ مول المليون طامع في مول المليم
ؤ الدرهم لموسخ ضاع في التعويم
الصحة ولات بالتطعيم
لا عدل لا تحكيم
لا مدرسة لا تعليم
ؤ زادو الابتزاز ؤ التقزيم
والحياة الجماعية بالتكميم
بنادم سكتوه بالشفوي ؤالتنويم
التفاهة دارو لها تكريم
ؤ كلام الحق دارو لو التجريم
اصبح الذيب زعيم
ؤ الكلب ولى فهيم
ؤ الجاهل عاد عليم
ؤاتساوات الاباحة بالتحريم
