حديث التلة
زجل عبد القادر السدراوي.
ضربة لمقص خاصها شحال من تخميمة
في هاذ الزمان الإنسان ما بقات عندو قيمة
ولى مگيود بحالو بحال لبهيمة
يشوف و يسكت ؤ زادوه التكميمة
في زمان المرض ؤ الفيروسات الهايمة
الحر شكلوه ؤ دارولو الشكيمة
ؤ من لحيتو زادو التلقيمة
گلعو لوتاد ؤ ريبو الخيمة
طيحو الفخار ؤ هرسو لخديمة
حجمو لينا ؤ قادو التحجيمة
حتى من الدرهم لموسخ ضربوهالو بتعويمة
ؤ رجعت حليمة لعادتها لقديمة
