حديث التلة
زجل / عبد القادر السدراوي.
عام يلوحك لعام ياگلبی
ؤ شحال عشتي من اهوال
شحال عاشرتي من اقوام
ؤ لا بغيتي يا راسي تعگال
يوم يلوحك لشلا ايام
عاشرتي يا راسي نسا ؤرجال
فيهم العولما ؤ فيهم لعوام
فيهم الرجال ؤ فيهم لنذال
تبعتي لكلام الغيواني والناس لقدام
زهدتي يا گلبي في الدنيا ؤ المال
قارعتي الظلم دخلتي لنفق مظلام
ؤ هادي يا گلبی ما كانت لك عالبال
اتناوبو عليك يا راسي في لحكام
عام يلوحك لعام لعام ؤ كلشي عليك عوال
ويتواصل الحكي
