آجي نفتحو لكتاب
قصيدة جزلية، للشاعر بوشعيب رديف
بلا لوم بلا عتاب
هايدي ليك ممدودة….!!!
بلا لوم بلا عتاب
آجي نفتحوا لحدودة…!!!
احنا بجوج واحد،
و الله علينا شاهد
حبنا ليك،
حب ما ليه مثيل
خليك على العهد
والعاهد…!!!
فيق اصاحبي فيق
راه الزين سلالة
وزينا ضارب العين،
والعين عليه مقوسة
كون صابوا اليوم
قبل البارح
الشوف يكون جلالة…!!!
الظلم والبهوت عار،
وانت من خيرة الجار
لاش عليك
تخلي لجوار قفالة…؟؟!!
بلا لوم بلا عتاب
اجي نفتحوا لكتاب
وبلا احساب…
ها يدي ليك ممدودة…!!!
اجي نبنيوا بجوج
لناسنا قصور،
قناطر وسدودة
والسداد والنصر من الله
نغلبوا جميع دوك النسورة…!!!
