حديث الثلة، كلام البراح
بقلم عبد القادر السدراوي.
فين قايد الحركة فين العود المسنح
فين الرشام والعلام فين الكلام الملح
فين الجاري وشيخ الرمى فين اللي يبرح
فين الحياحة فين السلوكي اللي كان ينبح
فين النكافات اللي كانو حامين الطرح
فين الكتاب والفنانةفين لكلام لمنقح
فين الحبحابةفين لكلام لمشرح
في هاذ الزمان ما بقى ما يفرح
تساوا الخسران مع الربح
اتهرست البيضة طار لحمام امجنح
بكات السماء ولا بغا يزيد يقدح
ش في الفيلات ولقصور عايش امرح
وشي تحت القصدير عايش يدكرح
