لحروف الملوية
زجل الحسن بوزيان
الرهباني مات 👈 والوفاة كانت سكتة شعبية
مرض بالقرارات 👈 ما فكر فيك وفيا
ولف التخمات 👈 شاهدة عليه الفوقية
بت نبت هنا نبات 👈 غراتو الشهرية
في ايامو ضغوطات وركلات 👈 وتصرفات قمعية
داروا بيه شلا سبيطارات 👈 وجابوا لو طبيب الامراض التفسية
عطاها للغوات 👈 تقول ضارباه جنية
نسى لي فات 👈 وزادها خلا لغيرو وصية
ما حد فيهم فك الشفرات 👈 كانت حروفها ملوية
لخبار مشات وجات 👈 سمعها قيد لبانضية
قال ليهم لوصية لي بالذات 👈 والإشارة معنية
كذب كذبة والكذبة صدقات 👈 والناس عيونها كانت معمية
واعدهم بشلا حاجات 👈 ومنهم حتى الهدية
غير حط رجله رسات 👈 جبد الأسلحة المخفية
سيوف خاصة بالطعنات 👈 ماضية توصل للرية
الناس خافت ترهبات 👈 وهنا حاجتو كانت مقضية
واخا ولولت ورغات 👈 تجاهلتها الجهة المعنية
وهنا قصيدتي سالات 👈 وانت فك الحروف الملوية
