*حديث التلة *
زجل/عبدالقادر السدراوي
احنا شعب البوهالا
ريسنا من والا
فرشنا القبة نعسو فيها الكوسالا
تغبنا ؤ انتخبنا الجوهالا
حسبونا قطيع ؤ حوالا
نعتونا بالاوباش ؤ الحثالة
بعنا الضمير شكلونا الشكالة
في سوق النخاسة شراونا الجمالة
زادو علينا في الدقيق وحتى النخالة
ؤ التبن الخيشة ؤ حتى البالة
اتختلو لينا مجمع الاشرار الختالة
حاصرونا الذياب القتالة
طالبنا بالتغيير اتزادت الحالة
طلبنا الحق ضاع العدالة
والحق كيتخاذ بالثقالة
ايوا اتحزمو ؤ كونو رجالة
وجدو الخيل ؤ الخيالة
