حديث التلة
بقلم/عبد القادر السدراوي
اتسلط علينا فيروس فيه العولما حارو
جف السما ؤ قلة امطارو
وكح الواد ؤ كرم سمارو
ذبل الورد ؤ ورگاتو صفارو
ضاع البستان ؤ ضاعت اشجارو
يبس النخل ؤ سقطت ثمارو
من بعد الربيع ؤ تخضارو
الجاهل احتل الصهريج ؤ زاد في تعمارو
ؤ العالم تاه بين لوراق ؤ تسجنت افكارو
ؤ اللي كلفناهم امرنا علينا جارو
لهبو السوق ؤ شعلو نارو
القهرة و الجوع ؤ الاكل زادو في اسعارو
زادو الزيت عالنار ؤ الجيب شعلت جمارو
زادو الشحمة في ظهر المعلوف ؤهكا سارو
الفقير فقروه ؤ زادو في تفقارو
ياك يا قلبي الفساد من الرباط جات اخبارو
ؤ الراگد في القبة اتكشفت اسرارو
ياك يا قلبي فاعل الخير كثر علينا تصوارو
ياك لحمامات اللي عولنا عليهم بزقو ؤ طارو
اختل الميزان ؤ خسر عبارو
ؤ ممثلنا في بر لمان نعس ؤ تلاقات شفارو
امتى يرجع الربيع ؤ الياسمين تتفتح أزهارو
